Z*ja pllakos Mirditën/ Aksidenti i fr*kshëm i merr jetën këngëtarit të njohur
Një aksident tragjik i ndodhur mesditën e kësaj të shtune, në aksin e vjetër Thumanë-Fushë-Krujë, i cili i ka marrë jetën 65-vjeçarit Paulin Filopati, një emër i njohur i artit dhe traditës folklorike mirditore.
Lajmi i hidhur për ndarjen e tij nga jeta ka shkaktuar dhimbje të madhe te familjarët, miqtë dhe komuniteti artistik, ku Filopati ishte i njohur dhe vlerësuar për kontributin e tij shumëvjeçar në ruajtjen dhe promovimin e muzikës dhe folklorit tradicional.
Paulin Filopati ishte pjesë e Grupit të Burrave të Ansamblit Mirdita, ku mbante titullin “Mjeshtër i Madh”, si dhe ishte artist i Grupit Kthella. Në momentin e aksidentit, pranë tij ndodhej edhe bashkëshortja, e cila fatmirësisht nuk ka pësuar lëndime.
Dhimbjen për humbjen e artistit e ka shprehur edhe miku i tij, Gjergj Marku, i cili përmes një mesazhi prekës ka kujtuar figurën dhe personalitetin e Filopatit.
“Na le dhimbje mbi trup e shpirt, artisti ynë i dashur, shpirtbardhë dhe i qeshur, Paulin Filopati!… Pas një aksidenti tragjik, ka gjetur vdekjen Paulin Filopati nga Kodër Rrësheni.
Ngjarja e rëndë ka ndodhur mesditën e sotme në aksin e vjetër Fushë-Krujë-Thumanë. Në momentin e aksidentit, pranë tij ndodhej edhe bashkëshortja, e cila fatmirësisht nuk është lënduar.
Është një humbje e rëndë për familjen, të afërmit dhe gjithë komunitetin e artistëve të Mirditës. Familja bën me dije se ceremonia mortore bëhet te Katedralja e Rrëshenit. Varrimi ditën e hënë, më datë 16 nëntor 2026, ora 12:00, te varrezat e Kodër Rrëshenit”, njofton miku i tij Gjergj Marku.
Burimi: Newsbomb.al
